Захиалга өгөхөөс эхлээд зургаа татаж авах хүртэлх чухал дүрэм, хугацаа, эрхийн мэдээлэл.
Хүссэн засвар, өнгө төрх, онцгой шаардлагаа захиалгын тайлбарт урьдчилан тодорхой бичнэ үү. Бэлэн болсон үр дүнд шинээр өөрчлөлт хүсвэл нэмэлт үйлчилгээний төлбөр тооцогдож болно.
Дэлгэрэнгүй заавар өгөөгүй тохиолдолд AI Studio эх зурагт тохирох шийдлийг мэргэжлийн үзэмжээр сонгон боловсруулна.
Төлбөр, үр дүн, засвар, ашиглалттай холбоотой нийтлэг дүрэм
Хэсэгчлэн төлөх захиалгын баталгаажуулалт, эцсийн төлбөр болон буцаалтын нөхцөл
Урьдчилгаа төлбөртэй захиалгад дэлгэц дээр заасан урьдчилгааны дүн төлөгдөж баталгаажсанаар захиалга ажилд орно. Урьдчилгаа нь захиалгын нийт үнийн нэг хэсэг бөгөөд бүрэн төлбөрт тооцогдохгүй.
Урьдчилгаа төлөхдөө захиалгын дугаар, гүйлгээний утга болон төлөх дүнг зөв оруулах үүргийг захиалагч хүлээнэ.
Захиалга боловсруулж бэлэн болмогц үлдэгдэл төлбөрийн нэхэмжлэл “Миний зургууд” хуудсанд гарч, бүртгэлтэй дугаарт мэдэгдэл хүрч болно.
Бэлэн болсон урьдчилан харах зураг байршсан нь үйлчилгээ гүйцэтгэгдсэнийг илэрхийлнэ.
Үлдэгдэл төлбөр бүрэн баталгаажсаны дараа тамгагүй, өндөр чанартай эх файлыг татах эрх нээгдэнэ. Үлдэгдэл төлөгдөөгүй үед бэлэн файлын таталт түгжээтэй хэвээр байна.
Үлдэгдэл дүн нь захиалгын нийт үнээс өмнө баталгаажсан урьдчилгааг хассан дүн байна.
Захиалгын ажил эхэлсэн, захиалга бэлэн болсон, дижитал файл нээгдэж хүргэгдсэн, эсвэл хөнгөлөлттэй үнээр захиалсан бол төлсөн урьдчилгаа, үлдэгдэл болон бүрэн төлбөрийг буцаахгүй.
Захиалгын төрлийг андуурсан, хүсэлтээ өөрчилсөн, захиалгаа цуцалсан, буруу зураг эсвэл мэдээлэл илгээсэн, бэлэн үр дүнг ашиглахаас татгалзсан зэрэг захиалагчаас шалтгаалсан нөхцөл нь төлбөр буцаах үндэслэл болохгүй.
Зөвхөн захиалгын ажил эхлээгүй үед гаргасан буцаалтын хүсэлтийг AI Studio нөхцөл байдлыг харгалзан хянаж, талууд харилцан тохиролцсон тохиолдолд шийдвэрлэнэ. Зөвшөөрөгдсөн буцаалтад төлбөрийн үйлчилгээний шимтгэл, гарсан зардал болон захиалгыг боловсруулахтай холбоотой зардалд 20% хүртэл суутгал тооцож болно.
Захиалагч нь төлбөр хийхийн өмнө сонгосон үйлчилгээний болон захиалгын төрөл, тоо хэмжээ, энгийн эсвэл яаралтай гүйцэтгэх хугацаа, үнэ, илгээсэн зураг болон бусад мэдээллээ бүрэн нягталж баталгаажуулна.
Захиалагчийн өөрийн буруу сонголт, андуурал, дутуу эсвэл буруу мэдээллээс шалтгаалсан үр дагавар, хугацааны өөрчлөлт болон нэмэлт зардлын хариуцлагыг захиалагч өөрөө хүлээнэ. Ийм шалтгаан нь захиалгын ажил эхэлсний дараа төлбөр буцаах үндэслэл болохгүй.
✓ Төлбөр хийхээс өмнө сонголтоо шалгана ууБэлэн болсон зургаа хугацаанд нь татаж, хувийн нөөц хуулбар үүсгэнэ үү
Өндөр чанартай зураг бүрийг нийт 5 удаа татах эрхтэй. Татах үйлдэл амжилттай бүртгэгдэх бүрд тухайн зургийн үлдсэн эрх нэгээр хасагдана.
Эрх дууссаны дараа систем тухайн зургийг дахин татуулахгүй.
Одоогийн лимит: 5 удааҮндсэн захиалгын өндөр чанартай эх болон үр дүнгийн файлыг захиалга үүссэн өдрөөс 7 хоног хадгална. Яг устгах огноо “Миний зургууд” хуудсанд харагдана.
Хугацаа дууссаны дараа өндөр чанартай файл зай хэмнэх горимд шилжиж, сэргээх эсвэл дахин татах боломж баталгаатай биш.
Хадгалалт: 7 хоногБэлэн болсон зургаа татсан даруйдаа өөрийн утас, компьютер эсвэл үүлэн хадгалалтад нөөцлөх үүргийг захиалагч хариуцна.
Захиалгын дугаар, утасны дугаар болон нэмэлт зургийн нэвтрэх кодыг бусдад дамжуулахгүй байна. Эдгээр мэдээллээр хийгдсэн таталтыг захиалагчийн үйлдэлд тооцно.
Үндсэн захиалгын үр дүнгээс тусдаа санал болгодог зургуудын нөхцөл
Нэмэлт зургийн хуудсыг нэвтрэх кодоор анх нээсэн мөчөөс 24 цагийн сонголтын хугацаа эхэлнэ. “Миний зургууд” хэсэгт төлбөртэй зураг устгах огноо харагдана.
Хугацаанд нь сонгоогүй, үнэгүй эрхээр аваагүй эсвэл худалдан аваагүй зургийн өндөр чанартай файл устаж болно.
Тухайн захиалгад үнэгүй сонгох эрх олгосон бол дэлгэц дээр заасан тооны нэмэлт зургаас сонголтоо хийнэ. Сонголтыг баталгаажуулсны дараа эрх зарцуулагдаж, зураг татахад нээгдэнэ.
Үнэгүй эрхээр зураг сонгохын өмнө дэлгэц дээрх зургаа сайтар нягталж, авахыг хүссэн зураг мөн эсэхийг хэрэглэгч өөрөө баталгаажуулна.
Баталгаажуулсан мөчөөс сонголт эцсийнд тооцогдоно. Зарцуулсан үнэгүй эрхийг сэргээх, сонгосон зургийг өөр зурагт солих, сонголтыг цуцлах эсвэл буцаах боломжгүй. Санамсаргүй болон буруу сонгосон гэх үндэслэлээр үнэгүй эрхийг дахин олгохгүй.
Захиалгын дугаар, утасны дугаар болон нэвтрэх мэдээллээр хийгдэж, хэрэглэгчийн баталгаажуулсан сонголтыг тухайн захиалагчийн өөрийн сонголтод тооцно. Нэвтрэх мэдээллээ хамгаалах, сонголтоо илгээхийн өмнө дахин нягтлах хариуцлагыг захиалагч хүлээнэ.
✓ Баталгаажуулалт = эцсийн сонголтСонгосон нэмэлт зургийн төлбөр баталгаажмагц түгжээ автоматаар нээгдэж, өндөр чанартай хувилбарыг татах боломжтой болно.
Үнэгүй эрхээр сонгосон эсвэл худалдан авч нээсэн нэмэлт зургийн өндөр чанартай файлыг нээгдсэн өдрөөс 7 хоног хүртэл хамгаалан хадгална. Энэ хугацаанд багтаан татаж нөөцөлнө үү.
Бэлэн зургаа татах болон оруулсан мэдээллээ хамгаалах үндсэн зарчим
Бэлэн зургаа “Миний зургууд” хуудаснаас татаж авна. Имэйл хүсэлтийг зөвхөн татахад техникийн асуудал гарсан үед нэмэлт сонголт болгон ашиглана.
Имэйлээр авах хүсэлт гаргахдаа зөв хаяг оруулах үүргийг захиалагч хариуцна. Inbox-д харагдахгүй бол Spam / Junk хавтсаа шалгана уу.
Захиалагч нь илгээсэн зургийг ашиглуулах эрхтэй, зурагт байгаа хүмүүсийн шаардлагатай зөвшөөрлийг авсан байна. Бусдын эрх зөрчсөн материалаас үүсэх хариуцлагыг захиалагч хүлээнэ.
AI Studio нь бэлэн бүтээлийг сошиал болон веб хуудсанд нийтлэхдээ захиалагчийн өгсөн нийтлэх зөвшөөрлийн төлөвийг баримтална.
Ажлын ачаалал болон зургийн ажиллагаанаас шалтгаалан хугацаа өөрчлөгдөж болно
Ажлын 2–3 хоногийн дотор гүйцэтгэнэ. Зургийн тоо, ажиллагаа болон шаардлагаас шалтгаалан хугацаа өөрчлөгдөж болно.
Ажлын 24 цагийн дотор гүйцэтгэнэ. Нэмэлт төлбөр +20%. Нарийн ажиллагаатай захиалгад хугацааг урьдчилан тохиролцоно.
Хар цагаан, урагдаж хуучирсан зургийг сэргээнэ. Эх зургийн чанар, гэмтлээс шалтгаалан үр дүн 80–99% хүртэл сэргээгдэх боломжтой.
Захиалгын дугаар, утасны дугаараа ашиглан бэлэн зураг, хугацаа, үлдсэн татах эрхээ харна.